勿吃周宿渡脆瓜，跌落三颗大门牙。
勿吃楼茂记香千，生活做煞呒相干。
勿吃老同源咸货，乖人要变老呆大。
老鼠尾巴像挫刀，老鼠眼睛像胡桃。
前脚低，后脚高，身穿一件破棉袄，
日里趣趣困黯觉，夜里做贼做强盗，
黄鼠狼，看见告诉老爷道，
老爷是噶话，你个赤佬也勿好！
得人家生蛋鸡娘咬咬倒，
害的两家公婆鸡狗鸡狗吵不好。
点点窝窝，猫儿做窠，青布念布。
瞌瞌嘞，瞌瞌勒，阿拉囡囡是要瞌瞌勒。
天封塔十八格，唐朝造起天封塔，鲁班师傅会呆煞，人家儿子要做贼，阿拉儿子勿做贼。
落雨嘞，落雨嘞，小八拉丝开会嘞。
落雨嘞，打烊嘞，蝙蝠老子开会嘞。
糯搭我拷背，我搭糯做媒，做八隔壁瘌头。
斗斗虫虫飞，柯只麻将剥剥皮。要吃吃眼气，否吃嘟咯超飞气，飞到高山吃白米。
背猡猡，卖香猡，卖来卖去臭猪猡。
正月嘎瓜子，二月放鹞子， 三月上坟打顶子，四月种田下秧子，五月白糖温粽子
六月朝天扇扇子，七月西瓜吃心子，八月月饼嵌馅子，九月吊红夹柿子，十月沙泥炒栗子，